კონფიდენციალურობის პოლიტიკა

1 მოკლედ

ეს განყოფილება მოკლე შეჯამებაა და არ ცვლის ქვემოთ მოცემულ სრულ ტექსტს — თითოეული პუნქტი დაწვრილებით შესაბამის თავშია განმარტებული.

• ანგარიშისთვის საკმარისია ელფოსტა. სახელს, პირად ნომერს, ტელეფონს ან მისამართს არ გითხოვთ.
• რეკლამა და თვალთვალი არ გვაქვს. აპლიკაციაში არ არის ანალიტიკის, სარეკლამო ან თვალთვალის ინსტრუმენტი, საიტზე კი — თვალთვალის ქუქი.
• მონაცემებს არ ვყიდით და არავის გადავცემთ რეკლამის ან პროფილირების მიზნით.
• IP-მისამართს არ ვინახავთ შესვლების ჩანაწერში.
• ბარათის მონაცემები ჩვენამდე არ აღწევს — გადახდას ლიცენზირებული პროვაიდერი ამუშავებს.
• ანგარიშის წაშლა თქვენით შეგიძლიათ, ნებისმიერ დროს, აპლიკაციიდანაც და ბრაუზერიდანაც.

2 ვინ ამუშავებს თქვენს მონაცემებს

Instalert არის სერვისი, რომელიც აკვირდება თქვენ მიერ შენახულ ძებნებს საჯარო მარკეტფლეისებზე და გატყობინებთ, როცა ახალი განცხადება ჩნდება ან ფასი ეცემა. ამ სერვისთან დაკავშირებული პერსონალური მონაცემების დამმუშავებელი (კონტროლიორი) არის ამ გვერდის ბოლოს მითითებული პირი.

პერსონალურ მონაცემებთან დაკავშირებულ ნებისმიერ კითხვაზე, მოთხოვნასა თუ პრეტენზიაზე იმავე მისამართზე გიპასუხებთ.

ეს პოლიტიკა ვრცელდება Instalert-ის მობილურ აპლიკაციაზე, ვებგვერდზე და მათ უკან მდგარ სერვისზე ერთნაირად.

3 რა მონაცემებს ვამუშავებთ, რატომ და რამდენ ხანს

ქვემოთ ჩამოთვლილია ყველა კატეგორია, რომელსაც ვამუშავებთ. „საფუძველი“ არის „პერსონალურ მონაცემთა დაცვის შესახებ“ საქართველოს კანონის მე-5 მუხლით გათვალისწინებული დამუშავების საფუძველი.

თქვენ მიერ შენახული ძებნა შეიძლება თავისთავად ბევრს ამბობდეს — მაგალითად, რომ ბინას ეძებთ კონკრეტულ უბანში. სწორედ ამიტომ ვამუშავებთ მას მხოლოდ იმისთვის, რომ შეტყობინება მოგაწოდოთ, და არასდროს — რეკლამის, პროფილირების ან მესამე პირისთვის გადაცემის მიზნით.

4 რისი მოწოდებაა სავალდებულო

სავალდებულოა მხოლოდ ელფოსტა და პაროლი — მათ გარეშე ანგარიშის შექმნა და შესვლა შეუძლებელია. ყველა დანარჩენს თქვენ თვითონ ქმნით სერვისით სარგებლობისას: ფილტრს იმიტომ ინახავს სისტემა, რომ თქვენ შეინახეთ.

მოწყობილობის შეტყობინების იდენტიფიკატორის მოწოდება სავალდებულო არ არის, მაგრამ მის გარეშე push-შეტყობინებას ვერსად გავგზავნით — ალერტები მხოლოდ აპლიკაციაში დაგხვდებათ.

5 რას არ ვაგროვებთ

• სახელი, გვარი, პირადი ნომერი, დაბადების თარიღი ან საცხოვრებელი მისამართი.
• ლოკაცია — არც ზუსტი, არც სავარაუდო.
• კონტაქტები, ფოტოები, ფაილები, კალენდარი, მიმოწერა ან ზარების ისტორია.
• ბარათის ნომერი ან სხვა საგადახდო რეკვიზიტი.
• სპეციალური კატეგორიის მონაცემები — ჯანმრთელობა, რწმენა, პოლიტიკური შეხედულება, ბიომეტრია.
• სარეკლამო იდენტიფიკატორი ან რეკლამის ქსელისთვის განკუთვნილი სხვა ნიშანი.

აპლიკაცია არ შეიცავს არცერთი ანალიტიკის, სარეკლამო ან თვალთვალის ინსტრუმენტს. ვებგვერდზე არც ერთი ქუქი არ გამოიყენება რეკლამისთვის ან სტატისტიკისთვის — იხილეთ ქვემოთ „ქუქები“.

6 ვის ვუზიარებთ

მონაცემებს არ ვყიდით და არ ვცვლით. სხვა პირს ისინი მხოლოდ იმ შემთხვევაში გადაეცემა, როცა ამის გარეშე სერვისი ვერ იმუშავებს, და მხოლოდ იმ მოცულობით, რაც ამ კონკრეტული ამოცანისთვისაა საჭირო:

მარკეტფლეისები თქვენ ვერ გხედავენ. myauto.ge, myhome.ge, mymarket.ge, ss.ge, copart.com, livo.ge, myparts.ge და myjobs.ge-ს საჯარო განცხადებებს ჩვენი სერვერი ამოწმებს, თქვენი ტელეფონი — არა. ამ საიტებს თქვენი ვინაობა, IP-მისამართი ან მოწყობილობა არასდროს უჩანთ, და ჩვენ მათ თქვენს შესახებ არაფერს ვატყობინებთ.

7 მონაცემების გადაცემა საზღვარგარეთ

სერვისის ინფრასტრუქტურა ევროკავშირშია (გერმანია). შესაბამისად, მონაცემები ინახება ისეთ ქვეყანაში, სადაც მონაცემთა დაცვის სათანადო გარანტიები მოქმედებს.

push-შეტყობინების მიწოდებისას მოწყობილობის იდენტიფიკატორი და შეტყობინების ტექსტი გადაეცემა Google-ს, რომელიც მონაცემებს ევროკავშირისა და აშშ-ის ინფრასტრუქტურაში ამუშავებს, სტანდარტული სახელშეკრულებო პირობებისა და საკუთარი მონაცემთა დაცვის ვალდებულებების შესაბამისად.

სხვა მიზნით და სხვა ქვეყანაში თქვენს მონაცემებს არ ვგზავნით.

8 რამდენ ხანს ვინახავთ

• ანგარიშის მონაცემები ინახება მანამ, სანამ ანგარიში არსებობს. ანგარიშის წაშლისთანავე იშლება ანგარიში, მისი ფილტრები, შეტყობინებების ისტორია, რეგისტრირებული მოწყობილობები და შესვლების ჩანაწერი.
• გადახდის ჩანაწერები რჩება იმ ვადით, რასაც საქართველოს საგადასახადო და საბუღალტრო კანონმდებლობა მოითხოვს — მაშინაც კი, თუ ანგარიში წაშლილია. ეს კანონის მოთხოვნაა და მას ვერც ჩვენ და ვერც თქვენ ვერ ავუვლით გვერდს.
• განცხადებების საჯარო მონაცემები — სათაური, ფასი, ბმული — პერსონალური მონაცემი არ არის და მარკეტფლეისებს ეკუთვნის. ისინი ავტომატურად იშლება, როცა 90 დღეა აღარსად ჩანს.
• უსაფრთხოებასთან დაკავშირებული ტექნიკური ჩანაწერები ინახება მოკლე ვადით და მხოლოდ შეფერხების ან თავდასხმის გამოსაძიებლად გამოიყენება.

9 თქვენი უფლებები

„პერსონალურ მონაცემთა დაცვის შესახებ“ საქართველოს კანონი გაძლევთ შემდეგ უფლებებს, და ჩვენ ყველა მათგანს ვასრულებთ:

• ინფორმაციის მიღება — გაიგოთ, ხდება თუ არა თქვენი მონაცემების დამუშავება, რომელი მონაცემების, რა მიზნით და ვის გადაეცემა.
• ასლის მიღება — მიიღოთ თქვენი მონაცემების ასლი.
• შესწორება და განახლება — თუ მონაცემი არასწორია ან მოძველდა.
• წაშლა — მოითხოვოთ მონაცემების წაშლა. ანგარიშის წაშლა თქვენით, დაუყოვნებლივ და ჩვენდამი მიმართვის გარეშეც შეგიძლიათ.
• დაბლოკვა — მოითხოვოთ დამუშავების შეჩერება, სანამ თქვენი მოთხოვნა განიხილება.
• გადატანადობა — მიიღოთ თქვენ მიერ მოწოდებული მონაცემები სტრუქტურირებული, მანქანურად წაკითხვადი სახით.
• თანხმობის გამოთხოვა — თუ დამუშავება თანხმობას ეფუძნება, მისი გამოთხოვა ნებისმიერ დროს შეგიძლიათ, ისე მარტივად, როგორც განაცხადეთ.
• წინააღმდეგობა ავტომატურ გადაწყვეტილებაზე — იხილეთ ქვემოთ, „ავტომატური გადაწყვეტილებები“.

უფლების გამოსაყენებლად მოგვწერეთ ამ გვერდის ბოლოს მითითებულ მისამართზე. პასუხს კანონით დადგენილ ვადაში მიიღებთ. თუ მოთხოვნას ვერ დავაკმაყოფილებთ, ვიტყვით, რატომ.

ანგარიშის წაშლას ჩვენი ნებართვა არ სჭირდება. აპლიკაციაში „ანგარიში → ანგარიშის წაშლა“, ბრაუზერში კი /account/delete. წაშლა საბოლოოა და დაბრუნებას არ ექვემდებარება.

10 საჩივრის უფლება

თუ მიგაჩნიათ, რომ თქვენი მონაცემები კანონის დარღვევით დამუშავდა, უპირველესად მოგვწერეთ — უმეტესობა ასე წყდება. ამის მიუხედავად, ნებისმიერ დროს გაქვთ უფლება, მიმართოთ ზედამხედველ ორგანოს ან სასამართლოს.

საქართველოში პერსონალურ მონაცემთა დაცვის ზედამხედველობას 2026 წლის 2 მარტიდან ახორციელებს საქართველოს სახელმწიფო აუდიტის სამსახური, რომელსაც ეს ფუნქცია პერსონალურ მონაცემთა დაცვის სამსახურისგან გადაეცა.

11 უსაფრთხოება

• აპლიკაციასა და სერვერს შორის მთელი კავშირი დაშიფრულია (HTTPS).
• პაროლი ინახება მხოლოდ ცალმხრივად დაშიფრული (ჰეშირებული) სახით. ორიგინალი პაროლი არსად ინახება და მას ვერც ჩვენ ვხედავთ — სწორედ ამიტომ ვერავინ „გაგახსენებთ“ პაროლს, მხოლოდ ახლის დაყენებაა შესაძლებელი.
• მონაცემთა ბაზა ინტერნეტიდან პირდაპირ ხელმისაწვდომი არ არის.
• მონაცემებზე წვდომა აქვს მხოლოდ იმ პირს, ვისაც ის სერვისის მუშაობისთვის ან თქვენივე მიმართვაზე პასუხისთვის სჭირდება.

აბსოლუტურად უსაფრთხო სისტემა არ არსებობს და ამას არც დაგპირდებით. თუ მოხდება ინციდენტი, რომელიც თქვენს მონაცემებს რეალურ საფრთხეს უქმნის, კანონით დადგენილ ვადაში შეგატყობინებთ და ზედამხედველ ორგანოსაც ვაცნობებთ.

12 ქუქები

ვებგვერდი მხოლოდ იმ ქუქებს იყენებს, რომელთა გარეშეც ის ვერ იმუშავებს. სარეკლამო ან ანალიტიკური ქუქი არ გვაქვს, და სწორედ ამიტომ არ გხვდებათ ბანერი, რომელიც თანხმობას გთხოვთ.

• სესიის ქუქი — გახსოვდეთ, რომ შესული ხართ. გამოსვლისას იშლება.
• ენის ქუქი — გახსოვდეთ, ქართული აირჩიეთ თუ ინგლისური.
• დროებითი ქუქი Google-ით ან Apple-ით შესვლისას — მხოლოდ იმ რამდენიმე წამის განმავლობაში არსებობს, სანამ შესვლა სრულდება, და უსაფრთხოებას ემსახურება.

მობილური აპლიკაცია ქუქებს საერთოდ არ იყენებს.

13 ავტომატური გადაწყვეტილებები

თქვენს შესახებ ისეთ გადაწყვეტილებას, რომელსაც იურიდიული ან სხვა მნიშვნელოვანი შედეგი მოჰყვება, ავტომატურად არ ვიღებთ. არც პროფილირებას ვაწარმოებთ.

სერვისი ავტომატურად ადარებს განცხადებებს თქვენ მიერ შენახულ ძებნას და ამის მიხედვით გიგზავნით შეტყობინებას. ეს არის თქვენივე დავალების შესრულება და არა თქვენს შესახებ მიღებული გადაწყვეტილება.

14 ასაკი

სერვისი არ არის განკუთვნილი 16 წლამდე პირებისთვის და ანგარიშის შექმნა 16 წლის ასაკიდან შეიძლება. მიზანმიმართულად არ ვაგროვებთ 16 წლამდე პირის მონაცემებს. თუ გვეცოდინება, რომ ასეთი ანგარიში არსებობს, მას წავშლით.

თუ მშობელი ან კანონიერი წარმომადგენელი ხართ და მიგაჩნიათ, რომ ბავშვმა ანგარიში შექმნა, მოგვწერეთ — წავშლით.

15 რეკლამა და შეტყობინებები

სარეკლამო წერილს არ გიგზავნით. ელფოსტით მხოლოდ ერთ წერილს ვგზავნით — პაროლის აღდგენის ბმულს, და მხოლოდ მაშინ, როცა თქვენ თვითონ მოითხოვთ.

push-შეტყობინება მხოლოდ თქვენს ფილტრებზეა და მას თქვენ თვითონ ქმნით: ფილტრის წაშლა ან შეჩერება მისგან მომდინარე შეტყობინებებსაც წყვეტს. სერვისის მუშაობასთან დაკავშირებულ იშვიათ, არასარეკლამო შეტყობინებას (მაგალითად, პირობების მნიშვნელოვან ცვლილებას) მაინც შეიძლება მიიღოთ.

თუ ოდესმე გადავწყვეტთ სარეკლამო შეტყობინების გაგზავნას, ეს მხოლოდ თქვენი წინასწარი თანხმობით მოხდება, და თანხმობის გამოთხოვა ისეთივე მარტივი იქნება, როგორც მისი გაცემა.

16 ამ პოლიტიკის ცვლილება

პოლიტიკა შეიძლება განახლდეს — მაგალითად, თუ ახალი ფუნქცია გაჩნდება ან კანონმდებლობა შეიცვლება. გვერდის თავში ყოველთვის წერია ბოლო განახლების თარიღი და ვერსია.

მნიშვნელოვან ცვლილებას აპლიკაციაში ან ელფოსტით შეგატყობინებთ, ძალაში შესვლამდე. თუ ცვლილება არ მოგწონთ, ანგარიშის წაშლა ნებისმიერ დროს შეგიძლიათ.

იხილეთ აგრეთვე მომსახურების პირობები.